علي المحمداوي
بعدني اشتاكلك جانت الغيرك راح
كبل من جنت شاب وعمري ضيعته
لدور مكان بكلبي مابي خيط
كلب تمساح جبته بكلبي بدلته
كصر جلدك وبين ثوب عظمك ناي
خلك راعي منجيبن يمك اسكته
حجيك والرسايل مو شغل يومين
شغل اسنين ونت بلحظه ضيعته
بنيت انت الامل واني البديت انساك
مابينه الخسر بينه اليغم كصته
كتلي وياك لاخر نفس بس حاشاك
كبل اول نفس من رته ما شفته
مثل شخصك المرو عندي احله هواي
مثلك روحي واح ما معبرته
احمد الله صل الناس طبت خير
جا بيت العرش بول شهر دسته
تسمعني اغاني وانه ابن الريف
المثلي بحال اغاني بحال سالفته
اول شي سمعته شكد احبك ليش
كتلك بس سمعت الدمع وكعته
تذل الفاركاك سبب ساسك طين
مابه الذنب الذنب بيك انته
مو انه اليوكف وكفت استهزاء
والا انه الوكع والناس شايلته
ومو انه اليوكع دمعه للمحبوب
بس للخوه توكع دمعته بسكته
ولا انه اليتاني شوكت اخو يطيح
حته اتباه لو كلولي طيحته
ومو انه المضيع بضباب الطير
بس الخاطرك كلت انه ضيعته
بزمن شهكت نفس جا ضار سرائيل
مكانيته ولاكن طبعي بدلته
خنتني انته وكلهم لا يجرب جان
كلبي يحبه مو كبله انه جربته
وطلعلك عذر خاطر اسكت الناس
والكه العذر كبالي الناس حافضته
صفنت ليل ساكت وجكاره كبور
شما ورث نفس كبرك يهد جثته
الشمس توكع اذا تدري الكمر مشتاك
يطلع لسمه والعشره لازمته
تذكر من كلتلي تحبني كتلك لا
كبل يومين اعرفك يا عشك شفته
بلون شفايفك كاسرت اخر كاس
سكرت بضوكهن والكاس ما ضكته
عشت بعمر شايب عمره خمس سنين
بعده ستوه يمشي والكبر كته
كلمن ذكره لك شايل اشمن بيه
ولزم ذكرتك ويكلي ها عفته
بعدني ذكرك لاتظن سهله انساك
وحكك ما نسيتك والعشك عفته
مكانك جان خالي البي هذاك اليوم
غيرك بي كعد وتوقعت انته
انه المجروح كبل جرح اسمه اليل
يسهر اهل العشك ما يسهر بقصته
بعدك عل عشك مو خبره ما مجروح
ما ضايك اليل الحصره والسكته
ما ضايك دمعتك ما بجيت بعيد
ممحاجي كبل زفوهه صاحبته
ما شارب خمر من ليلك لحد ليل
ممتاني التحبه باب مدرسته
الما ضايك هذن عالبشر ما محسوب
هسه تأكدت ثق مو بشر انته
اليبني احلام غيره بجفه عمره يطول
بنيت احلام غيري وحلمي شيعته
لذلك كلبي راد يحبك وحاشاك
وكف كدامي لاكن ما كدر دسته
وداعا يا عشك يا كاس تالي ليل
يا صفنة مسودن ما دره بقصته
بس عندي طلب لتخلي غيري انسان
يضوك الضكته انه وبالعشك حجته
وعهد مني منبوسن جفي راح اشتاك
لان ظلت شفافه فوكه من بسته
